લોગ ઇન

એકલતાના થાક થી ઘેરાયેલો..
સાવ નત મસ્તકે..
શૂન્યમનસ્ક બની
રાઈટીંગ ટેબલ પર
કોરા પાના ઉથલાવતો..
વિચારહીન, દિશાશૂન્ય
અચાનક જ બસ,
અમથું કૈંક યાદ આવ્યું અને…
કોમ્પ્યુટરની સ્વીચ દાબી બેઠો..
ઉદાસીના પર્યાય સમો
વાદળી રંગ ….
વિન્ડોઝ્નો અને પછી ફેસબુકનો…
તરવરી ઉઠ્યો…
એ જ ઉદાસિનતાના જવાબમાં..
જળહળતી આંખે.. બળતા શ્વાસે..
તૂટતા હ્રદયે.. ધૃજતા હાથે..
અપૂર્ણ સપનાઓ સાથે..
ક્ષીણ થતી ઈચ્છાઓ સાથે..
વેદનાઓ છલોછલ હ્રદયે….
………………..મેં લોગ ઇન કર્યું

~એજ તન્મય..!